நினைவலைகள்

இந்திய சினிமா வரலாற்றில் ஓர் மயில்கல் தில்வாலே துல்ஹானியா லே ஜாயேங்கே (ஹிந்தி திரைப்படத்தின் பெயர்) சுருக்கமாக DDLJ என்று கூறுவார்கள். இத்திரைப்படம் 1995-ம் வருடம் அக்டோபர் மாதம் 25, திரையிடப்பட்டது. மே 13 2005 அன்றுடன் 500 வாரங்கள் ஆகிறது. நம்ம ஊர் "கரகாட்டக்காரன்" போல் மும்பையிலுள்ள மராத்தா மந்திர் என்ற திரையரங்கில் இன்னமும் வெற்றிகரமாக ஓடிக்கொண்டிருக்கிறது.

இத்திரைப்படம் 400 வாரங்களைக் கடந்த்பொழுது இதற்கு மேல் ஓடாது என்று நினைத்தோம். ஆனால் இப்பொழுது 600 வாரங்களையே தாண்டும் என்றும், அத்துடன் 60% மக்கள் கூட்டம் மேட்னிக்கும், வார இறுதி நாட்களில் ஹவுஸ்·புல் போர்டு போடுகிறோம் என்று தியேட்டர் மேலாளர் பிரவின் வி.ரானே கூறுகிறார்.

இவ்வளவு வரவேற்புள்ள இப்படத்திற்கான டிக்கெட் விலை: ஸ்டால்-16/- அப்பர் ஸ்டால்-18/- பால்கனி-20/-

மொஹமத் நிஸார்(வெயிட்டர்) என்பவர் குறைந்தபட்சம் 70 முறை பார்த்ததாக கூறுகிறார். இவருக்கு 20 ரூபாய் டிப்ஸ் கிடைத்தால் உடனே திதுலேஜா சென்றுவிடுவாராம்.

மொஹமத் நிஸார்போல் பல பேர் இருப்பதால்தான் ஷாருக், கஜோல் போன்ற கோடீஸ்வரர்கள் உருவாகிக்கொண்டிருக்கிறார்கள்....